Inkcazelo ngezinto ezihlaziyiweyo Kwimimiselo yethu

Igqibele ukuhlaziywa: nge-6 kaFebruwari 2025

Sihlaziye Imimiselo yethu Yenkonzo, Imimiselo Yenkonzo Yokubhatala, Ipolisi Yokubhukisha Kwakhona Neyokubuyiswa Kwemali Yamakhaya, eminye yemimiselo neepolisi zethu (xa zizonke, “Imimiselo”), Nepolisi yethu Engezinto Eziyimfihlo.

Izinto ezilungisiweyo Kwimimiselo yethu ekuthethwe ngayo ngezantsi zisebenza ngoko nangoko kubo bonke abantu abayisebenzisayo okokuqala ukususela nge-6 kaFebruwari 2025. Imimiselo ehlaziyiweyo iza kuqala ukusebenza kubasebenzisi abakhoyo nge-17 ka-Aprili 2025. Emva kolo suku, kuza kufuneka uvumelane Nemimiselo ehlaziyiweyo uze uvume Ipolisi Engezinto Eziyimfihlo ukuze ubhukishe okanye ulawule ukubhukisha. Xa sisebenzisa inkcazelo yakho yobuqu ukususela ngolo suku ukuya phambili kuza kuba phantsi kwePolisi Engezinto Eziyimfihlo elungisiweyo.

Imimiselo echaziweyo engachazwanga kweli phepha ineentsingiselo ezifanayo ezinikwe yona Kwimimiselo. Ungafunda imimiselo epheleleyo kwiilinki ezingezantsi, kunye notshintsho olubalulekileyo kunye nenye inkcazelo ebalulekileyo:

Izinto ezihlaziyiweyo Kwimimiselo Yenkonzo

• Silungise kwakhona Imimiselo Yenkonzo ukuze sibalaselise ngcono imimiselo neepolisi ezongezelelekileyo ezisebenzayo kubasebenzisi.
• Sihlaziye isivumelwano sokulamla saseMerika.
• Sicacise ukuba Umbuki Zindwendwe kufuneka achazele iindwendwe zakhe ezongezelelekileyo ngazo naziphi na izinto ezifunwa Ngababuki Zindwendwe
• Siyilungisile Imimiselo Yenkonzo ukuze sibalaselise ukuthotyelwa kuka-Airbnb kuMthetho Wokulungela Wonke Umntu WaseYurophu.
• Sicacise ukuba Umbuki Zindwendwe kufuneka aquke zonke iimali ezimele zibhatalwe kwindawo efanelekileyo kwindlu yakhe.
• Sihlaziye Imimiselo Yenkonzo ukuze ibonise izinto ezitshintshiweyo kwishishini lakwa-Airbnb.

Izinto ezihlaziyiweyo Kwimimiselo Yenkonzo Yokubhatala

• Sihlaziye isivumelwano sokulamla saseMerika.
• Silitshintshile Ixesha Lenkonzo Lokubhatala ukuze sicacise ixesha lokubhatalwa Kubabuki Zindwendwe.
• Sihlaziye Imimiselo Yenkonzo Yokubhatala ukuze siquke iinkcukacha zendlela iNxalenye Yokubhatala Ngoku, Icandelo Lasemva lisebenza ngayo.
• Siyihlaziyile Imimiselo Yenkonzo Yokubhatala ukuze sicacise ukuba singayitsala imali ebhatalwayo kwixesha elizayo yababuki zindwendwe abathatha inxaxheba Kwinkqubo Yealam YeCarbon Monoxide ngokuhambiselana nemimiselo yenkqubo.
• Siyihlaziyile Imimiselo Yenkonzo Yokubhatala yabantu abangengobantu baseYurophu ukuze sicacise xa isivumelwano phakathi Kwabasebenzisi noAirbnb siqalisa ukusebenza.

Izinto ezihlaziyiweyo Kwipolisi Yokubhukisha Kwakhona Neyokubuyiswa Kwemali Yeendawo

• Siyisusile into efunekayo yokuba umbuki zindwendwe arhoxe kufuneka abe kwiintsuku eziyi-30 emva kokubhalisa xa kufikwa ngaphambi kokuba uAirbnb ancede ngokubhukisha kwakhona ukubhukisha okurhoxisiweyo.
• Sihlaziye Ipolisi Yokubhukisha Kwakhona Neyokubuyiswa Kwemali ukuze sinikezele ngeenkcukacha ezingakumbi ngendlela uAirbnb ancedisa ngayo ekubhukisheni kwakhona kwangoko kwiindwendwe ezinokubhukisha okurhoxisiweyo.

Izinto ezilungisiweyo Kwipolisi Engezinto Eziyimfihlo

• Sihlaziye icandelo elithi "Inkcazelo Yobuqu Esiqokeleleyo" ukuze sidibanise izaziso zethu zezinto eziyimfihlo zibe yiPolisi Engezinto Eziyimfihlo, sandisa iindidi zenkcazelo okhetha ukusinika yona, saza sacacisa ngakumbi ngenkcazelo yobuqu esiyiqokeleleyo ukuze sinikezele ngeenkonzo zethu nezinto ezintsha zemveliso.
• Siye sacacisa iinjongo esizisebenzisayo loo nkcazelo nendlela esiqhuba ngayo size sabelane ngayo naloo nkcazelo kuAirbnb nakubanikezeli bethu ngeenkonzo.
• Senze inkcazelo ehlaziyiweyo ngokuthobela imithetho ezayo.
• Sizitshintshile saza sazidibanisa Izinto Ezongezelelekileyo Ezingaphandle kwaseMerika naseMerika ukuze zicace ngakumbi zize zilungelelaniswe.
• Sizihlaziyile izilawuli zenkcazelo saza safaka into entsha eyongezelelekileyo kubasebenzisi abahlala eBrazil.

Izinto ezitshintshiweyo Kwimimiselo Yokukhuselwa Kombuki Zindwendwe Kumonakalo Nemimiselo  Yokukhuselwa Kombuki Zindwendwe Yabantu Abayisebenzisayo BaseOstreliya

• Sicacise izinto ezifunekayo Kubabuki Zindwendwe xa sicela ukubuyiselwa imali yokulahlekelwa okanye umonakalo wondwendwe lwabo.
• Sihlaziye saza sacacisa iingcaciso ezithi “Indlu Efanelekayo”, “Indlu Engafanelekiyo”, “Isimemo”, nesithi “Nxiba Nezinyembezi”.
• Sifake inkcazelo “yamashiti asekhaya” saza sahlaziya saza sacacisa ukufanelekela ukulahlekelwa okanye umonakalo ngenxa yamabala “Amashiti asekhaya”.
• Senze utshintsho kumbutho nasekucaciseni.
• Sihlaziye isivumelwano sokulamla saseMerika.

Hlaziya Ushwankathelo Lwenkqubo Yeinshorensi Yomonakalo Kumntu Obebhukishile

• Ushwankathelo Lwenkqubo Yeinshorensi Yokubhatalela Umonakalo Kubabuki Zindwendwe (“HLI”) luhlaziyiwe ukuze kuchazwe indlela inkqubo yeHLI esebenza ngayo xa Umbuki Zindwendwe enezindlu eziyi-6 nangaphezulu ezisebenzayo ibe kukho enye i-inshorensi efumanekayo.

Imibuzo Eqhelekileyo

Nantsi imibuzo embalwa eqhelekileyo osenokuba unayo ngale nkqubo.

Ndivule iakhawunti yam ka-Airbnb ngaphambi kwe-6 kaFebruwari 2025. Kuza kwenzeka ntoni emva kwe-17 ka-Aprili 2025?

Emva kwe-17 ka-Aprili 2025, bonke abasebenzisi ababhalise iakhawunti yabo ka-Airbnb ngaphambi kwe-6 kaFebruwari 2025 baza kucelwa ukuba bahlole baze bavumelane Nemimiselo elungisiweyo. Kuza kufuneka uvumelane neMimiselo ehlaziyiweyo ngaphambi kokuba uqhubeke nokubhukisha iindawo zokuhlala, ufumane ukubhukisha kwexesha elizayo okanye usebenzise izixhobo zakho Zombuki Zindwendwe. Ukuba awuvumelani neMimiselo elungisiweyo, siza kukunika inkcazelo ngezinto onokukhetha kuzo zokugqibezela ukubhukisha okusele kwenziwe nokurhoxisa iakhawunti yakho. Ukuba unayo nayiphi na imibuzo okanye udibana nazo naziphi na iingxaki ebudeni bale nkqubo, nceda uthumele i-imeyile ku- [email protected] ukuze ufumane uncedo. Abantu abakhoyo abazukwazi ukuvumelana Nemimiselo elungisiweyo ngaphambi kwe-17 ka-Aprili 2025. Ngokuqhubeka usebenzisa Iwebhusayithi ka-Airbnb ukususela nge-17 ka-Aprili 2025 uza kuba phantsi Kwepolisi Engezinto Eziyimfihlo entsha.

Ndivule iakhawunti yam ka-Airbnb nge-6 kaFebruwari 2025 okanye emva koko. Yeyiphi Imimiselo esebenzayo kum?

Ukuba ubhalise iakhawunti yakho ka-Airbnb nge-6 kaFebruwari 2025 okanye emva koko, sele uvumelene Nemimiselo Yenkonzo ehlaziyiweyo, Imimiselo Yenkonzo Yokubhatala, neminye imimiselo neepolisi. Kwakhona, ukusebenzisa kwakho Iwebhusayithi yakwa-Airbnb kuxhomekeke kwiPolisi Engezinto Eziyimfihlo entsha. Imimiselo ehlaziyiweyo isebenza kuwe ibe akukho nto ekufuneka uyenze.

Imimiselo elungisiweyo isebenza njani ekubhukisheni kwam okuqinisekisiweyo okuzayo?

Le Mimiselo ihlaziyiweyo iza kusebenza kuzo zonke izinto ezenziwayo (kuquka ukubhukisha okukhoyo, okuqinisekisiweyo) kwiWebhusayithi ka-Airbnb ukususela ngexesha ovumelana ngalo nayo. Ukuba sele uyisebenzisa ibe awuvumelani nemimiselo emitsha, inguqulelo yangaphambili Yemimiselo Yenkonzo, Imimiselo Yenkonzo Yokubhatala Nepolisi Engezinto Eziyimfihlo iza kuqhubeka isebenza ekubhukisheni okuqinisekisile ngaphambi kwe-17 ka-Aprili 2025. Nokuba uyavumelana na Nemimiselo emitsha, ngokuqhubeka usebenzisa Iwebhusayithi ka-Airbnb ukususela nge-17 ka-Aprili 2025 uza kuba phantsi Kwepolisi Engezinto Eziyimfihlo elungisiweyo.

Kude kube ngoAprili 17, 2025, iinguqulelo ezikhoyo zale Mimiselo zinokufumaneka Kwimimiselo Yenkonzo , Kwimimiselo Yenkonzo Yokubhatala, nakumaphepha Epolisi Engezinto Eziyimfihlo.

Siyathemba ukuba uyifumene le nkcazelo ingasentla iluncedo. Sibalaselise izinto esicinga ukuba zezona zinto zitshintshiweyo ziphawulekayo, kodwa ufanele uwahlole ngokwakho amaxwebhu.