Imimiselo Nemiqathango Yenkqubo Yealamu Yomsi Otyhefayo

Le Mimiselo Nemiqathango Yealam Yomsi Otyhefayo isebenza kubo bonke Ababuki Zindwendwe abathatha inxaxheba Kwinkqubo ka-Airbnb Yealam Ye-carbon Monoxide ("Inkqubo Yealam YeCO"). Inkqubo ye-CO Alarm yenzelwe ukunciphisa umngcipheko onento yokwenza nokuqokelelwa kweCO engabonakaliyo kwiindawo zokuhlala ezidweliswe kwiwebhusayithi ka-Airbnb. I-CO yigesi engenavumba, engenambala, phakathi kwezinye izinto, enokuphazamisa inkqubo yokuphefumla ibe inokukhokelela ekufeni. UAirbnb ukhuthaza bonke Ababuki Zindwendwe ukuba bancede ekunciphiseni iziphumo ezinokubakho xa kukho ityhefu yeCO ngokufaka iialam zeCO kwiindawo zokuhlala ezidweliswe kwiWebhusayithi ka-Airbnb.

Ukwamkela kwakho le Mimiselo Nemiqathango Yenkqubo Yealam Ye-carbon Monoxide ("Imimiselo Yealam YeCO") kongeza Imimiselo Yenkonzo Yakwa-Airbnb ("Imimiselo"), Imimiselo Yenkonzo Yokubhatala Ye-Airbnb ("Imimiselo Yokubhatala"), Nepolisi Engezinto Eziyimfihlo Yakwa-Airbnb ("Ipolisi Engezinto Eziyimfihlo ") (xa iyonke, "Imimiselo Yemimiselo Yakwa-Airbnb").

Ufumana isivumelwano esifanayo sakwa-Airbnb osifumanayo phantsi kweMimiselo ka-Airbnb. Le Mimiselo Yealam yeCO ilawula nakuphi na ukungqubana Nemimiselo ka-Airbnb, ngaphandle kokuba kuchazwe ngokucacileyo ngenye indlela. Nayiphi na imimiselo emikhulu esetyenziswa kule Mimiselo Yealam yeCO nengachazwanga iza kuba neentsingiselo zayo Kwimimiselo, Imimiselo Yokubhatala okanye Ipolisi Engezinto Eziyimfihlo, ngokwahlukeneyo.

Izinto Ezifunekayo Kwinkqubo

Ababuki zindwendwe abathatha inxaxheba Kwinkqubo Yealam YeCO baza kufumana isaziso esinye okanye ezingakumbi okanye unxibelelwano olubachazela ukuba kufuneka bathathe inyathelo ngokuhambiselana Nezinto Ezifunekayo Kwinkqubo Yezindlu zabo ezithile okanye zonke ("Izindlu Ezifanelekayo"). Emva kokuba ufumene isaziso sokuqala, uza kuba neentsuku ezingamashumi amathandathu (60) zokuthatha enye yezi zinto zilandelayo kwizindlu zakho Ezifanelekayo ("Izinto Ezifunekayo Kwinkqubo"):

1. Fumana uze ufake ialam yeCO kwindawo yokuhlala ngokwemiyalelo efakwe ngumenzi wayo uze ulungise inkcazelo Yendlu yakho ukuze iquke ialam yeCO; okanye
2. Hlaziya icandelo elithi "Izixhobo Zokhuseleko" Kwindlu yakho ukuze uchaze ukuba indawo yokuhlala ayifuni ialam yeCO kuba, ngokomzekelo: (i) inezixhobo zombane kuphela ezingatshisiyo (kuquka, ngaphandle kwemida, izixhobo zokufudumeza amanzi okanye izitovu); (ii) ayinayo igaraji eqhotyoshelweyo; kwaye (iii) ialam yeCO ayifuneki ngenye indlela phantsi kwemithetho yasekuhlaleni.

Xa ifumaneka ibe ikhona, ungakhetha ukucela ialam yeCO yasimahla Yombuki Zindwendwe ngamnye. Izicelo zeealam zeCO zasimahla ziphantsi Kwemimiselo Nemiqathango Yokhuseleko Lwekhaya.

Ukubamba

Kwindlu nganye Efanelekayo ongayigqibiyo Izinto Ezifunekayo Kwinkqubo, i-Airbnb Payments isenokutsala imali kube kanye njengoko kubonisiwe kwiShedyuli 1 okanye imali elingana nayo kwimali yelizwe esebenza Kwindlela Yokubhatalwa oyikhethileyo ("Imali Ebanjiweyo") ukususela ekubhataleni kwakho okulandelayo okucwangcisiweyo de ezi zinto Zifunekayo Zenkqubo zigqitywe. Emva kokugqitywa Kwezinto Ezifunekayo Kwinkqubo Kwindlu nganye Efanelekayo, i-Airbnb Payments iza kukhupha ngokukhawuleza Imali Ebanjiweyo kwimali yelizwe oyikhethileyo ngokusekelwe kwixabiso lokutshintshiselana elisebenzayo ngexesha Lokubhatalwa. Ixesha elithathayo ukufumana Ingxowa-mali Ebanjiweyo yakuba ikhutshwe yi-Airbnb Payments isenokuxhomekeka Kwindlela Yokubhatalwa oyikhethileyo. Ukuba awuzigqibi izinto ezifunekayo Kwinkqubo zingekapheli iinyanga ezintandathu (6) emva komhla wokubhatalwa apho imali ebanjiwe khona, uAirbnb uza kuyigcina imali njengemali eza kusetyenziselwa inkqubo ka-Airbnb yokukhusela ikhaya ukuze wenze iialam zeCO zifumaneke Kubabuki Zindwendwe ibe awuzukuba namalungelo angakumbi kuyo.

Uxanduva lwakho

Ukongezelela ekufikeleleni Izinto Ezifunekayo Kwinkqubo, nguwe ekufuneka agcine ialam yakho yeCO isebenza ngalo lonke ixesha.

UAirbnb akaqinisekisi, ucebisa okanye uxhase nasiphi na isixhobo okanye umthengisi. Ungakhetha uhlobo, iimpawu kunye nomenzi wealam yabo yeCO, ukuba nje iyazifikelela izinto ezifunekayo ezibekwe kwimigangatho esemthethweni ekhutshwe ngamagunya afanelekileyo. Nayiphi na ingxaki enento yokwenza nokufakwa kwealam yeCO, ukulungiswa kunye/okanye indlela eqhuba ngayo ixhomekeke kwimbopheleleko yomenzi wayo. UAirbnb ukukhuthaza ukuba uyihlole ngokupheleleyo uze uyiqonde incwadi yemiyalelo yomenzi wayo ngaphambi kokufaka ialam yeCO.

Njengoko kuchaziwe Kwimimiselo, nguwe omele abhatalele izinto ozenzayo nezinto ozenzileyo kunye nokugcina inkcazelo yendlu yakho nezinto ezikhoyo (njengezinto ezinokusetyenziswa nezixhobo zokhuseleko) zisexesheni ibe zichanile ngalo lonke ixesha.

Imimiselo eqhelekileyo

UAirbnb unelungelo lokutshintsha le Mimiselo Yealam YeCO nanini na ngokuhambiselana Nemimiselo, nokuyitshintsha okanye ukuyiyeka Inkqubo Yealam YeCO (okanye nayiphi na inxalenye yayo) nanini na.