Ipolisi Yezinto Ezenzeka Ngaphandle Kwewebhusayithi Neyokungafihli Ixabiso

Ngokubuka iindwendwe kuAirbnb, uyavuma ukuthobela imimiselo neepolisi zethu, kuquka Imimiselo Yenkonzo, esinelungelo lokuyinyanzelisa ngokokubona kwethu. Kwiimeko apho ipolisi yaphulwe ngokuphindaphindiweyo okanye yaphulwe kakhulu, sisenokuyinqumamisa okanye siyenze ingaphinde isebenze into enokubhukishwa okanye iakhawunti yomntu oyisebenzisayo. Ukuze sikhusele intsapho yethu, asizivumeli ezi ndlela zokuziphatha ezi zinto zidweliswe ngezantsi.

Ukususa ukubhukisha okukhoyo, kwexesha elizayo okanye okuphindaphindayo kuAirbnb

Le nto iquka: 

• Ukucela okanye ukukhuthaza abantu abamsebenzisayo ukuba basuse iindawo esele zibhukishiwe, eziza kubhukishwa kwixesha elizayo okanye ukubhukisha okuphindaphindayo (kuquka ixesha elibhukishiweyo elandiswayo) lingabikho kwa-Airbnb
• Kuquka iilinki ezisusa abantu kwiwebhusayithi ka-Airbnb kwizinto ezinokubhukishwa okanye kwimiyalezo
• Ukunikezela okanye ukucela izaphulelo zokubhukisha kwezinye iindawo ezingengoAirbnb
• Ukurhoxisa iindawo ezibhukishwe ngokupheleleyo okanye ekubhukishwe inxalenye yazo ukuze uphinde zibhukishwe ngaphandle kuka-Airbnb

Ukungazichazi iimali ezibhatalelwa ukubhukisha xa kubhukishwa

Le nto iquka:

• Ukungaziquki naziphi na iimali ezimele zibhatalwe kwiindawo zamaxabiso zika-Airbnb okanye kungenjalo ukwenza ixabiso elipheleleyo xa kubhatalwa lingachani
  • Iimali ezimele zibhatalwe yimali iindwendwe ezimele ziyibhatale ngenxa yenani leentsuku ezibhukishiweyo, inani leendwendwe nenani lezilwanyana zasekhaya. Imizekelo yeemali ekunyanzelekileyo ukuba zibhatalwe iquka iimali zamanzi nombane, iimali ezimele zibhatalwe lundwendwe olongezelelekileyo, iimali ezimele zibhatalwe ngezilwanyana zasekhaya, iimali ezimele zibhatalwe zokusebenzisa ezinye izinto, iimali ezingananto yokwenza nendawo yokuhlala, iimali ezimele zibhatalwe ngumbutho wabanikazi bamakhaya (HOA), neerhafu (jonga izinto ezingaqukwanga ngezantsi).
  • Zonke iimali ekunyanzelekileyo ukuba zibhatalwe kufuneka zichazwe kwiindawo ezifanelekileyo zeemali ezimele zibhatalwe okanye ixabiso losuku ukuba ayikho indawo efanelekileyo yokufaka imali emele ibhatalwe.
• Ukusilela ukusebenzisa isixhobo sika-Airbnb esithi “Tshintsha into ebhukishiweyo” ukuze utsale imali yeentsuku ezitshintshiweyo, yenani leendwendwe okanye yenani lezilwanyana zasekhaya
• Ukusilela ukuchaza idipozithi. Ababuki zindwendwe abaninzi abavumelekanga ukuba babize idiphozithi. Kwiimeko ezimbalwa apho idipozithi zivumelekileyo, kufuneka zichazwe kwindawo efanelekileyo yemali emele ibhatalwe.
• Ukusilela ukuchaza iidipozithi ezifunekayo zeengozi njengenxalenye yeenkqubo eziqhelekileyo zehotele. Imali yediphozithi kufuneka ichazwe kwingcaciso yendlu.

Ukukhutshwa

Kwiindawo apho uAirbnb angaziqokeleliyi iirhafu okanye apho kufuneka ngokomthetho ukuba ababuki zindwendwe baziqokelele ngqo kwiindwendwe, ababuki zindwendwe kufuneka bazichaze iirhafu kwingcaciso yento enokubhukishwa.

Ukubhatalela nayiphi na imali yento enokubhukishwa kungasetyenziswa uAirbnb

Akuvumelekanga ukucela, ukuthumela okanye ukufumana imali kungasetyenziswa uAirbnb. Le nto iquka iindleko zento enokubhukishwa neemali ezimele zibhatalwe ezinento yokwenza nento ebhukishiweyo (umz., imali enganyanzelekanga ukuba ibhatalwe yokufudumeza ipuli).

Iimeko ezingaqukwanga

• Ababuki zindwendwe abakhethiweyo abakonekte nge-software bangatsala iimali ekunyanzelekileyo ukuba zibhatalwe nezedipozithi ezichaziweyo kungasetyenziswa iwebhusayithi ka-Airbnb
• Iihotele zinokucela ikhadi lokuthenga ngetyala okanye idipozithi eyimali ezinkozo xa kufikwa ukubhatalela iindleko zeengozi njengenxalenye yeenkqubo zazo eziqhelekileyo
• Iihotele zinako nokubhatalisa imali zingasebenzisi iwebhusayithi ka-Airbnb ukuze kubhatalwe iimali ezimele zibhatalwe ekunganyazelekanga ukuba zibhatalwe (umz: indawo yokupaka) xa kuyinxalenye yeenkqubo zazo eziqhelekileyo.
• Kwiindawo apho uAirbnb engaziqokeleli iirhafu okanye apho kufuneka ngokomthetho ukuba ababuki zindwendwe baziqokelele ngqo kwiindwendwe, ababuki zindwendwe bavumelekile ukuba baqokelele iirhafu ezichaziweyo bengasebenzisi uAirbnb

Ukucela kwiindwendwe inkcazelo yokuqhakamshelana okanye ekwenza uzazi ukuba zingoobani okanye ukuyisebenzisa ngeendlela ezingenanto yakwenza nokuba zibhukishe indawo eziza kuhlala kuyo okanye ngeendlela ezibeka esichengeni ubumnandi bendlela eziza kuhlala ngayo

Le nto iquka:

• Ukucela iindwendwe ukuba zifumane inkcazelo yokuqhakamshelana ngaphambi kokubhukisha; konke ukuncokola kweendwendwe ngaphambi kokubhukisha kufuneka kube kuAirbnb
• Ukucela iindwendwe i-imeyile yazo, idilesi yeposi, okanye ezinye iindlela zokunxibelelana kusetyenziswa inkqubo yokuthumela imiyalezo yakwa-Airbnb okanye i-imeyile engalibonisiyo igama lomntu emva kokubhukisha
• Ukucela inkcazelo yokuqhakamshelana neendwendwe emva kokubhukisha ukuze kuhlolwe ukuba azikho sematyaleni na okanye kuhlolwe izinto ezikhe zazenza
• Ukucela iindwendwe ukuba zithumele iifoto zesazisi sazo sikarhulumente ngaphambi kokuba zifike ngaphandle kwalapho kufuneka ngenxa yezizathu zomthetho okanye zokuthobela njengoko kuchaziwe ngezantsi
• Ukusebenzisa inkcazelo yokuqhakamshelana enikezelwa nguAirbnb isetyenziselwe ezinye iinjongo ezophula Imimiselo yethu Yenkonzo
  
• Ukuthengisa, ukuthumela okanye ukusebenzisa inkcazelo yokuqhakamshelana nondwendwe ukuze uluthengisele okanye ubhalise iindwendwe kuludwe labantu onokuqhakamshelana nabo

Iimeko ezingaqukwanga

• Usenokufuna inkcazelo engakumbi yokuqhakamshelana/enza umazi ukuba ungubani umntu ukuba iyafuneka ngenxa yokuba ifunwa ngumthetho okanye ukuze uwuthobele kwaye ingaqinisekiswa ngumbuki zindwendwe xa ecelwa nguAirbnb (njengemithetho yasekuhlaleni, imithetho YEHOA, imithetho yokhuseleko yesakhiwo). Kwiimeko ezinjalo, ababuki zindwendwe bamele baquke inkcazelo ngezinto ezifunekayo nesizathu sokuba ifuneka kwingcaciso yezinto zabo ezinokubhukishwa, ukuze iindwendwe ziqonde ukuba eli nyathelo longezelelekileyo liyafuneka ngaphambi kokuba zibhukishe. Ngumsebenzi wababuki zindwendwe ukuqinisekisa ukuba iyathotyelwa imithetho yenkcazelo eyimfihlo
  
• Emva kokwamkela isicelo sokubhukisha, ungacela undwendwe ukuba luqinisekise ukuba inkcazelo yokuqhakamshelana ethunyelwe nguAirbnb yindlela efanelekileyo yokuqhakamshelana nalo ebudeni bohambo lwalo okanye ngaba undwendwe lufuna kusetyenziswe enye indlela okanye kuqhakamshelwane nalo ngenye indlela emva kokubhukisha
  
• Ungasebenzisa enye indlela yokuqhakamshelana nondwendwe ukuba undwendwe lucele loo nto emva kokubhukisha (umz: i-app yokuncokola), kodwa ke, kufuneka uqinisekise ukuba loo ndlela yokuqhakamshelana iyavumelana nezinye izinto ezifunwa yile polisi

Ukubuza abantu ukuba bekunjani nokucela izimvo kungasetyenziswa iwebhusayithi ka-Airbnb

Awunakucela iindwendwe ukuba zihlole indawo yokuhlala ka-Airbnb kwiwebhusayithi engeyiyo e-Airbnb okanye ugcwalise uphando malunga nokuhlala kwa-Airbnb kwiwebhusayithi engeyiyo ye-Airbnb (njengefomu engekho kuAirbnb) ngaphandle kokuba ungumntu owamkelwayo ehotele. Ezi zinto zithatha igalelo elixabisekileyo ngokuhlala kondwendwe kude nentsapho yakwa-Airbnb. Sifuna ukuba iindwendwe zichaze ukuba bekunjani kuAirbnb ngqo ukuze ezinye iindwendwe zincedwe yinkcazelo yazo.

Ukufuna ukuba iindwendwe zisebenzise ezinye iiwebhusayithi okanye ii-app ukuze zikwazi ukungena kwizinto zazo ezinokubhukishwa

Le nto iquka: 

• Ukucela iindwendwe ukuba zivule iakhawunti eyahlukileyo okanye zibhalise kwenye iwebhusayithi ngaphandle kuka-Airbnb.com ukuze zikwazi ukungena kwinto enokubhukishwa
  
• Ukucela iindwendwe ukuba zifake i-app yenye inkampani ukuze zikwazi ukungena kwinto enokubhukishwa; zonke izinto ezinokubhukishwa ezikuAirbnb kufuneka zikwazi ukufikeleleka kundwendwe ngaphandle kokuba kufuneke zibe nenye i-app okanye iakhawunti
  

Iimeko ezingaqukwanga

• Ukubhalisa okongezelelekileyo okanye ukufakwa kwee-app ezongezelelekileyo kuvumelekile apho kufuneka khona ngenxa yezizathu zomthetho okanye zokuthobela Umbuki Zindwendwe angaziqinisekisa ngokubhaliweyo xa ecelwa nguAirbnb (njengemithetho yasekuhlaleni, imithetho YE-HOA, imithetho yokhuseleko lwesakhiwo). Kwiimeko ezinjalo, ababuki zindwendwe kufuneka bafake inkcazelo ngezinto ezifunekayo, nesizathu sokuba ifuneka, kwingcaciso yento yabo enokubhukishwa evelayo kundwendwe, ukuze iindwendwe ziqonde ukuba eli nyathelo longezelelekileyo liyafuneka ngaphambi kokuba zibhukishe
  
• Ii-app zokungena ezingenasitshixo kunye nee-app eziququzelela ukuba nondwendwe ngexesha lokuhlala (umz: Sonos, Nest, ii-apps zomntu oncedisayo) ukuba nje azinyanzelekanga