Iipolisi zokurhoxa zeenkonzo nezezinto ezinokonwatyelwa ezinokubhukishwa

Iinkonzo ezininzi nezinto ezinokonwatyelwa ziza kuba nepolisi yokurhoxa yosuku oluyi-1. Le nto ithetha ukuba iindwendwe zinokurhoxisa zize zibuyiselwe yonke imali de kube lusuku oluyi-1 (iiyure eziyi-24) ngaphambi kwexesha lenkonzo okanye lokuqalisa kwento enokonwatyelwa (ngexesha lasekuhlaleni lenkonzo okanye into enokonwatyelwa), ibe umbuki zindwendwe akazukubhatalwa ngoko kubhukisha.

Kwiinkonzo nezinto ezinokonwatyelwa ezithile, ababuki zindwendwe baza kukwazi ukukhetha ipolisi yokurhoxa yeentsuku eziyi-3 xa befaka okanye belawula indlu yabo. Le nto ithetha ukuba iindwendwe zinokurhoxisa zize zibuyiselwe yonke imali ukuya kutsho kwiintsuku eziyi-3 (iiyure eziyi-72) ngaphambi kwexesha lenkonzo okanye lokuqalisa kwento enokonwatyelwa (ngexesha lasekuhlaleni lenkonzo okanye into enokonwatyelwa), ibe umbuki zindwendwe akazukubhatalwa ngoko kubhukisha. Le polisi ifumaneka kuphela kubabuki zindwendwe abathile kuxhomekeka kwiinkcukacha zenkonzo yabo okanye into yabo enokonwatyelwa.

Iindwendwe zinokuhlola ipolisi yokurhoxa yombuki zindwendwe xa zibhukisha inkonzo okanye into enokonwatyelwa.

Xa ipolisi yokurhoxa yendlu isenokutshintshwa ukuze undwendwe lubuyiselwe imali

Kukho iimeko ezithile apho undwendwe lunokuba nelungelo lokubuyiselwa imali nangona kukho ipolisi yokurhoxa yenkonzo okanye yento enokonwatyelwa. Ngokomzekelo, ukuba itheko elikhulu kwindawo ekuyo indlu liyakuthintela okanye akuvumelekanga ngokomthetho ukugqitywa kokubhukisha, Ipolisi Yeziganeko Ezikhulu Eziphazamisayo iza kusebenza ibe undwendwe lunokurhoxisa luze lubuyiselwe yonke imali. Umbuki zindwendwe akazukubhatalwa ngoko kubhukisha, nangona kukho ipolisi yokurhoxa yendlu.

Ipolisi yokurhoxa yendlu isenokutshintshwa nakwezinye iimeko, ibe inelungelo lokuba iindwendwe zirhoxise zize zibuyiselwe imali. Funda ngakumbi ukuba ipolisi yokurhoxa isenokutshintshwa nini.

Izigqibo zethu zokugqibela ezinento yokwenza nokurhoxa nokubuyiselwa imali azichaphazeli amanye amalungelo esivumelwano okanye asemthethweni asenokufumaneka kuwe. Naliphi na ilungelo iindwendwe okanye ababuki zindwendwe ekusenokufuneka baqalise amanyathelo omthetho alinakuchaphazeleka.